Woh Koi Aur Na Tha Chand Khushk Patey Thay
Shajar Say Toot Ke Jo Fasl-e-Gul Pay Roye Thay
Abhi Abhi Tumhein Socha To Kuch Na Yaad Aaya
Abhi Abhi To Hum Ekk Doosrey Say Bichrrey Thay
Tumarey Baad Chaman Par Jab Ikk Nazar Daali
Kali Kali Mein Khizaan Ke Chiraagh Jaltey Thay
Tamam Umer Wafaa Ke Gunah-gaar Rahey
Ye Aur Baat Ke Hum Aadmi To Achey Thay
Shab-e-Khaamosh Ko Tanhai Ne Zabaan Day Di
Paharr Goonjtey Thay, Dasht San-sanaatey Thay
Woh Ekk Baar Marey Jin Ko Tha Hayat Say Pyar
Jo Zindagi Say Gurezaan The Roz Martey Thay
Naye Khayal Abb Aatey Hain Dhal Ke Zehan Mein
Humaarey Dil Mein Kabhi Khait Leh-lahaatey Thay
Ye Irteqa Ka Chalan Hai Ke Har Zamaaney Mein
Puraney Log Naye Aadmi Say Dartey Thay
'Nadeem' Jo Bhi Mulaqaat Thi Adhoori Thi
Ke Ekk Chehrey Ke Peechey Hazaar Chehrey Thay
No comments:
Post a Comment