Naqsh aise teri yaadon ke bikher jatay hain
Jaise Taqdeer ke Unwaan Sanwar jatay hain
Dil to Sheesha hai, Aur Sheeshay se bhi nazuk tar
Log Pathhar ke hain, takra ke guzar jatay hain
Dil hi Duniya ho to Daulat ka guzar kya maynee
Hum to bus tere Tasawwar se Behl jatay hain
Dekhtay hain jo Usay ghaiar ki Mehfil mei kabhi
Hum Udaasi ke Samundar mei utar jatay hain
Dil mila hai Hamein aisa ke Agar Ghum bhi milay
Us ko Seenay se lagaye huwe marr jatay hain
Ab to yun Toott gaya Rishta-e-Ulfat ka kahin
Jaise Beetay huwe Lamhaat guzar jatay hain
No comments:
Post a Comment