Marnay ka teray gham main irada bhi nahi hai
Hai ishq magar is qadar zyada bhi nahi hai
Hai yoon ke ibarat ki zubaan hai koi aur
Kaagaz meri taqdeer ka saada bhi nahi hai
Kyun dekhtay rehtay hain sitaron ki taraf hum
Jab un se mulaqat ka waada bhi nahi hai
Kyun raah ke manzar main ulajhti hain aankhain
Jab dil main koi aur irada bhi nahi hai
Kyun us ki taraf dekh ker paaoun nahi uthtay
Woh shakhs haseen itna zyada bhi nahi hai
Kis morh pe lay aaya hmain hijr e musalsal
Ta had e nigah wasl ka waada bhi nahi hai
Pathar ki tarah sard hai kyun aankh kisi ki
Ab us se bicharne ka irada bhi nahi hai
https://www.facebook.com/DjAsherTariq
No comments:
Post a Comment