Meri Tanhai Kehti Hai

Meri Tanhai Kehti Hai K Mujhko Chorr Day Ab Tu
Mujhe Tu Dafn Ker Day Apnay Dil Main Bhool Ja Ab Tu
Tere Weeran Kamray Main, Main Aksar Raks Karti Thi
Tere Har Aik Gham Ko Apnay Andar Jazb Karti Thi
Tujhe Mujhse Mohabbat Thi Main Tujhko Achi Lagti Thi
Teri Har Raat Mere Sath Hi Aksar Guzarti Thi
Tu Jab Bhi Apnay Dil Ka Haal Mujhko Sunata Tha
Main Bass Chup Chaap Sunti Thi….Main Aakhir Kar Kia Sakti Thi…?
Magar Main Tujhse Aajiz Aachuki Hon Chorr De Mujhko
Tu Koi Dhoond Le Sathi Aur Apna Maan Lay Usko.
Share