tujh say bichar k hum bhi muqadar k ho gaye
phir jo bhi dar mila ussi dar k ho gaye
phir youn hua kah ghair ko dil say laga liya
andar wo nafratain thin kah bahir k ho gaye
kya log thay kah jan say badh kar aziz thay
abb dil say mahav nam bhi aksar k ho gaye
aye yaad-e-yaar tujh say karain kya shikayatain
aye dard-e-hijar hum bhi tau pathar k ho gaye
samjha rahay thay mujh ko sabhi nasahan-e-shehr
phir rafta rafta khud ussi kafir k ho gaye
abb k nah intezar karain chara gar ka hum
abb k gaye tau koo-e-sitamgar k ho gaye
rootay hoo ik jazaera jaan ko Faraz tum
daikho kitnay shehr samandar k ho gaye
No comments:
Post a Comment