Merey Sath Tum Bhi Duva Karo Yohn Kisi K Haq Main Bura Na Ho,
Kahin Aur Ho Na Yeh Hadsa Koi Raastay Main Judda Na Ho.
Merey Ghar Say Raat Ki Saij Tak Woh Ek Aanso Ki Lakeer Hai,
Zara Parh K Chaand Say Poochna Woh Issi Taraf Say Gaya Na Ho.
Sar-E-Shaam Thehari Howi Zameen, Aasmaan Hai Jhuka Howa,
Issi Moor Par Merey Waastay Woh Chiraagh Lay Kar Khara Na Ho.
Woh Farishtay Aap Hi Dhoondiye Kahaniyon Ki Kitaab Main,
Jo Bura Kahain Na Bura Sunnain Koi Shaksh Un Say Khafa Na Ho.
Woh Visaal Ho K Firaaq Ho Teri Aagh Kehakay Gi Ek Din,
Woh Gulaab Ban K Khilay Ga Kia Jo Chiraagh Ban K Jala Na Ho.
Mujhay Yohn Laga K Khamoosh Khushbu K Hoont Titly Nay Choo Liey,
In Hi Zard Pattoon Ki Out Main Koi Phool Sooyaa Howa Na Ho.
Issi Ehatiyaat Main Main Raha, Issi Ehatiyaat Main Woh Raha,
Woh Kahan Kahan Merey Sath Hai Kisi AUr Ko Yeh Pata Na Ho
No comments:
Post a Comment