Gir jaaye jo diwaar to maatam nahiN kartay,
Kartay haiN bohat log magar hum nahiN kartay
Hay apni tabiat meiN jo khaami to yehi hay,
Hum ishq to kartay haiN magar kum nahiN kartay
Nafrat se tou behtar hay k rastay he juda hoN,
Bekaar guzar-gaahoN ko baahum nahiN kartay
Har saans meiN dozakh ki tapish si hay magar hum,
Suraj ki tarah aag ko maddhum nahiN kartay
Kya ilm k rotay hoN to mar jaatay hoN AALI,
Wo log jo aankhoN ko kabhi num nahiN kartay
No comments:
Post a Comment