woh meri zaat mai'n jub takk raha likhna nahi bhooli
koi bhi dard jo main ne sahaa likhna nahi bhooli
woh jo mehwar tha likhne ka juda ho ker mila ik din
mila to yeh kaha us ne "suna likhna nahi bhooli..."
suna ab bhi chahat mai'n tumhara naam saayil hai
suna hai ab bhi tum mujh ko Khuda likhna nahi bhooli...
kaha ke bhool baithi hoon hatheli per hina likhna..
mager main asmano' per dua likhna nahi bhooli...!!
samaye ke uthtay maathay per tujhe dhoonda bohat dhoonda
samay ke jhukte shano'n per sadaa likhna nahi bhooli
mujhe ik din mere katib ne likha tha juda tujh se
mai'n tujh ko aaj bhi khud se judaa likhna nahi bhooli
chupane kelie sub dukh abhi bhi muskurati hoo'n
main ab bhi chehray pe chehra naya likhna nahi bhooli
main ab bhi is judai main kahyee dukh dard sehti hoon
main ab bhi teri aankho'n ko shifaa likhna nahi bhooli
kia tha tarq-e-ta'alluq ka irada eik pal mai'n ne
main ab bhi us iraday ko saza likhna nahi bhooli
batao tum mujhe jana'n! mai'n kaise bhool sakti hoo'n
abhi qudrat mera jeewan numa likhna nahi bhooli...!!
judaai kaat li main ne mager marne se kuch pehle
main zindaa'n ke dareecho'n per saba likhna nahi bhooli...... !!
No comments:
Post a Comment