us nay meray seenay pe sar rakh kar poocha
jana apnay jewan ka wo lamha to batlaoo mujh ko
jis k badlay mil sakty hain sab sitaray
daryaoon k saray moti
sawan ki pehli barish k saray qatray
ujlay chand ki sari kirnain
dhartay k seenay say liptay sabhi khazanay
saray mausam sabhi duain
phoolon ki rangeen qubain
pati pati parnay wali bheeni shabnam
us nay meray seenay per sar rakh kar poocha
jana apnay jewan ka wo lamha to bataoo
jis k badlay sab kuch apna sab kuch
apna sab kuch sab kuch day saktay ho
main nay us ka matha chooma aur bola
wo lamha........
jab pehli baar tum nay meray seenay per sar rakha tha
No comments:
Post a Comment