Mohabat , dard ke surat!

Mohabat, oos ke surat
Piyasi pankhari k hont ko seerab karti hai
Guloon ke aastenon mein anokhay rang bharti hai
Sehar k jahatpaty mein gungunati, muskurati, jagmagati hai
Mohabat k dinon main dasht bhi mehsoos hota hai
Kisi firdos ke surat, Mohabat, oos ke surat
Mohabat, aber ke surat!
Dilon ke sarzameen par gheer k aati aur barasti hai
Chaman ka zara zara jhomta hai, muskurata hai
Azal ke benamoo metti mein sabza ser uthata hai
Mohabat un ko bi abaad aur shadab karti hai
Jo dil main kabar ke surat, Mohabat, abar ke surat
Mohabat, aag ke surat!
Bujhay senoo mein jalti hai tu dil bedaar hoty hain
Mohabat ke tapish mein kuch ajab esrar hoty hain
K jitna ye bharakti hai, aroos-e-jan mehakti hai
Dilon k sahilon par jama hoti aur bikherti hai
Mohabat, jhaag ke surat,Mohabat, aag ke surat
Mohabat, khawab ke surat!
Negahon mein uterti hai kisi mehtab ke surat
Sitary arzoo k kuch iss tarhan se jagmagaty hain
K pehchani nahi jati dil-e-betaab ke surat!
Mohabat k shajer par khawab k panchi uterty hain
Tu shakhen jaag uthti hain
Thakey hary sitary jab zameen se baat karty hain
Tu kab se muntazir ankhoon main shameen jaag uthti hain
Mohabat in mein jagti hai cherag-e-aab ke surat
Mohabat, khawab ke surat! Mohabat, dard ke surat!
Guzishta musamon ke esteara ban k Rehti hai
Shaban-e-hijar mein, roshan sitara ban k rahti hai
Munderoon par cheraghon ke looen jab thartharati hain
Nager mein na umedi ke hawaen sansanati hain
Gali mein jab koi aahat, koi saya nahi rehta
Dhukey dil k liyah jab koi b dhoka nahi rehta
Ghamoon k bojh se jab tootny lagty hain shany tu
Yeh un pay hath rakhti hai, kisi hamdar ke surat!
Guzer jaty hain sary kafly jab dil ke badti se
Feza mein teerti hai deer tak, ye gard ke surat,
Mohabat , dard ke surat!