Khudaa wo Waqt Na laye

Khudaa wo Waqt Na laye.....!!!!!
Khudaa wo waqt na laaye ke soGawaar ho tu
sakuuN ki neend tujhe bhi haraam ho jaaye
teri musarrat-e-paiham tamaam ho jaaye
teri hayaat tujhe talKh jaam ho jaaye
Ghamon se aainaa-e-dil gudaaz ho teraa
Hujuum-e-yaas se betaab ho ke rah jaaye
wafuur-e-dard se seemaab ho ke rah jaaye
teraa shabaab faqat Khwaab ho ke rah jaaye
Guruur-e-husn saraapaa niyaaz ho teraa
taweel raaton mein tu bhi qaraar ko tarse
teri nigaah kisi Gham_gusaar ko tarse
KhizaaN_rasidaa tamannaa bahaar ko tarse
koi jabeen na tere sang-e-aastaaN pe jhuke
ke Jins-e-Ijz-o-Aqeedat se tujh ko shaad kare
fareb-e-waadaa-e-farda pe aitemaad kare
Khudaa wo waqt na laaye ke tujh ko yaad aaye
wo dil ke tere liye be-qaraar ab bhi hai
wo aaNkh jis ko teraa intazaar ab bhi hai......!!!!!