Tweeter

Wednesday, April 15, 2009

hontt kholay huay khaamosh dareechay dekho

hontt kholay huay khaamosh dareechay dekho

waqt hay,chaand abhi niklay k niklay, dekho



sheher main ghoomo to rangon k juloo main laikin

ghar main aao to wohi reengtay saaye dekho



apne zaron k tilsmaat main kho jaaogi

kabhi tanhaaii main tum bhi to bikkhar k dekho!



apni yaadon ki haseen shaakh pe rehne do humen

ttoott jaatay hain to miltay nahi patay dekho!



kabhi tum aakhir e shab waqt ki faryaad suno!

subha k khof se lamhon ko sisakte dekho!



ik zara tez chali hay jo hawa,girne lagay

ye falak bos mehal rayt k ghar thay dekho!



SHAM aaye to khuli chhat pe nikal aao zara!

apni hi aag main is sheher ko jaltay dekho

No comments: