December

Tumharay aur humaray ishq ki bunyaad December
Humay acha nahi lagta tumharay baad December

Koi apna zaroor uss ka khizanai rutt mai bichra tha
Wo jis ki aakhri hichki mai thi faryaad December

Kabhi ye dard k ansoo jo palko per hi jam jaain
Tau dil mai siskiyaan leta hai ik barbaad December

Ye de ga barf ki poshaak urryaa'n ker k paido'n ko
Misaal e hijar karta hai sitam eejaad December

Bichar ker surkh phoolo'n ki ruttain weeran ker gaya
Wo jis k damm se hota tha kabhi aabaad December

Nahi mumkin k tum ko yaad na aaye ye bheegi sham
Tumhay barso rulaaye ga humaray baad December

Nahi maloom kya tum ko k jab tum muskuraati ho
Tau jana muskura deta ha ye nashaad December

Tamanna hai isi barfaab rutt mai dafan ho jaoon
Zamana bhool bhi jaye karay ga yaad December

Gira kay berg paido'n sey kary wah wah Faris jee
Merey shero'n pe deta ha kuch aese daad December