BHALAY DINO KI BAAT HAY

BHALAY DINO KI BAAT HAY


Bhalay Dino Ki Baat Hay, Bhalai Si Aik Shakal Thi
Na Yeh Keh Hussan Kaam Ho, Na Dekhnay Mein Aam Si

Na Yeh Keh Wo Chalay To Kehkishaa’n Si Rah Guzar Lagay
Magar Who Saath Ho To Phir, Bhala Bhala Safar Lagay

Koi Bhi Rut Ho Uski Chab, Fizaa Ka Rang Roop Thi
Wo Garmion Ki Chaon Thi, Wo Sardion Ki Dhoop Thi

Na Easi Khush Libasia’n Keh Saadgi Gilah Karay
Na ItniBay Taqalufi Keh Aeina Haya Karay

Na Aashqi Janoon Ki Keh Zindgi Azaab Ho
Na Es Qadar Khathoor Pan Keh Doosti Kharaab Ho

SO AIK ROOZ KYA HUA, WAFA Pay Behas Chir Gai
Main Ishq Ko Am’ar Kahon, Wo Meri Zid Say Chir Gai

Main Ishq Ka Aseer Tha, Wo Ishq Ko Qasaf Kahay
K Tamaam Umar Kay Saath Ko, Bad Tar Az-Hawis Kahay

Hijar Shajar Nahi Hein Keh Hamesha Paba-Gull Rahein
Na Dhool Hein Keh Rasiyan, Gali Mein Mustakil Rahein

Moahabbato’n Ki Vousatein Hamaray Dast-o-Pa Mein Hein
Bas Yeh Ek Dars-e-Nisbatein Sajjan Baywafa Mein Hein

Tumhari Soch Jo Bhi Ho, Main Es Mizaaj Ki Nhai
Mujhay Wafa Say Baer Hay, Yeh Baat Aaj Ki Nahi

Na Usko Mujh Pay Maan Tha , Na Mujh Ko Us Pay Zo’am Tha
Jo Ehad Hi Koi Na Ho, To Kaya Ghum-e-shikastgi

So Apna Apna Rasta Hansi Khushi badal Liya
Wo Apni Rah Chal Pari Main Apni Rah Chal Diya