Khuda Woh Waqt Na Laye

Khuda Woh Waqt Na Laye K Sogwaar Ho Tu....
Sukoon Ki Neend Tujhey Bhi Haraam Ho Jaye...!!~

Teri Musarrat-e-Peham Tamaam Ho Jaye...
Teri Hayaat Tujhey Talkh Jaam Ho Jaye..!!~

Ghamo`n Se Aayina-e-Dil Gudaaz Ho Tera....
Hujoom-e-Yas Se Betaab Ho K Reh Jaye...!!~

Wafoor-e-Dard Se Seemyab Ho K Reh Jaye...
Tera Shabaab Faqat Khuwab Ho K Reh Jaye...!!~

Guroor-e-Husn Sarapa Niyaz Ho Tera...
Taveel Raato`n Mein Tu Bhi Qaraar Ko Tarsay...!!~

Teri Nigha Kisi Gham-gusaar Ko Tarsay.....
Khiza`n Raseeda Tamanna Bahaar Ko Tarsay..!!!~

Koi Jabeen Na Teray Sung-e-Aastaan Pe Jhukay....
K Jins-e-Ijz-o-Aqeedat Se Tujh Ko Shaad Karay...!!~

Fareb-e-Wada-e-Farda Pe Aitemad Karay....
Khuda Woh Waqt Na Laye K Tuj Ko Yaad Aaye...!!~

Woh Dil K Teray Liye Beqaraar Ab Bhi Hai....
Woh Aanh K Jis Ko Tera Intezar Ab Bhi Hai...!!~